«Тобыл» футбол клубының өкілдері Қостанай автомобиль көлігі колледжі студенттері және педагогтерімен кездесу өткізді

Қонақтарды студенттерімен кездесуге колледж педагогі Ғазиз Хамзаұлы Нұрғалиев шақырды. Жиынға Қостанай облысы Футбол Одағының вице-президенті Болат Ысқақов, «Тобыл» спорт директоры Нұрбол Жұмасқалиев және жанкүйерлермен байланыс жөніндегі маман Марат Күзембаев қатысты. Алдымен Болат Ысқақов пен Марат Күзембаев клубтың тарихы мен оның жетістіктері туралы айтып берді. Содан кейін кездесу «сұрақ-жауап» форматында жалғасты.

Нұрбол Жұмасқалиев жастардың негізгі құрамға кіру үшін көп жұмыс істеуге тура келетінін атап өтті.
– Негізгі құрамда ойнау мәртебесіне ие болу үшін көп еңбек ету керек. Ең алдымен, жас футболшының өзі мақсат қойып, оған жету үшін аянбауы тиіс. Жаттықтырушы бұған тек жол сілтеп, көмектесе алады, – деп атап өтті «сары-жасылдардың» спорт директоры.

Сондай-ақ, қазақ футболының аңызы студенттерге оқуда және спортта табыс тіледі.