Қостанайдағы «Орталық» стадион УЕФА-ның төртінші категориясын алды

Еске салсақ, УЕФА-ның арнайы комиссиясы аталмыш нысанда тексеру жұмыстарын жүргізген еді. Сарапшылар алаңның жоғары деңгейдегі матчтарды өткізуге дайындығын тексеріп, оған 4-ші категория беру мәселесін қарастырды.

Тексеру қорытындысы бойынша комиссия мүшелері түпкілікті шешім қабылдау үшін УЕФА-ға өз есептерін ұсынды. Енді «Орталық» стадион Ұлттар Лигасының матчтарын, ұлттық құрамалардың қатысуымен өтетін Әлем және Еуропа чемпионатының кезеңдерін, сондай-ақ УЕФА Чемпиондар Лигасы мен Еуропа Лигасының топтық кезеңдері мен плей-офф матчтарын қабылдай алады.

УЕФА 4-санатты стадионы 2010 жылы УЕФА бекіткен «стадион инфрақұрылымының регламентіне» сәйкес ең жоғары санатты стадион саналады.