Милич Чурчичтің штабын фитнес бапкері және реабилитолог-жаттықтырушы Евгений Кресик толықтырды.

Спорт саласындағы реабилитолог «Тобылға» Түркиядағы қысқы жиындарда қосылды. 29 жастағы маман жарақаттан кейін футболшыларды қалпына келтіруге және олардың физикалық жағдайларына жауап береді. Ол Германияда, Польшада, Украинада және Беларуссияда дене шынықтыру және оңалту курсын аяқтады. Евгений дене дайындығының сертификатталған жаттықтырушы (NSCA), сонымен қатар функционалдық тренинг бойынша Nike халықаралық бапкері болып жұмыс істеді.

Бұған дейін «Шахтер» ФК-да (Солигорск) дене дайындығы жаттықтырушы болып еңбек етті. Аты аталған командамен Кресик Беларуссияның 2022 жылғы чемпионы атанды.