Бүгін сары-жасылдар Данияның «Хельсингёр» командасына қарсы жолдастық матчын өткізеді.

«Хельсингёр» – өзі аттас қаланың командасы, 2005 жылдың 1 тамызында құрылған. 2017 жылдан бастап Дания футбол чемпионатының жоғарғы дивизионы – Суперлигада өнер көрсетеді.

Команда үздіктері қатарында Дания жастар құрамасының бұрынғы ойыншылары Фредерик Бай және Андреас Холм Йенсен бар. Айтпақшы, соңғысы – команда капитаны, ол «Хельсингёрдің» ең тәжірибелі футболшысы саналады. Йенсен клуб үшін 120-дан астам матч өткізген.

Дания клубына қарсы ойын бүгін Қостанай уақыты бойынша сағат 18:00-де өтеді. Матчты «Тобылдың» ресми YouTube-арнасында көруге болады.