«Тобылдың» қорғаушысы баспасөз қызметіне сұхбат берді

– Мейрамбек, футболды қалай бастадыңыз, сізді осы жолға кім әкелді?

– Мен аулада үнемі футбол ойнайтынмын, достарымның арқасында футболға қызығушылық таныта бастадым. Олар менің бойымда осы спорт түріне деген қызығушылықты оятып, онымен кәсіби түрде айналысуға шабыттандырды. Алаңға алғаш шыққаннан бастап футболдың менің сүйікті ісім болатынын түсіндім.

– Футболшы ретінде сіздің дамуыңызда қандай жаттықтырушылар шешуші рөл атқарды?

– Менің дамуыма едәуір үлкен үлес қосқан Есенбек Ізтелеуов, Андрей Тихонов және Қайрат Нұрдәулетовтерді атап өтемін. Олардың әрқайсысы менің ойыншы ретінде ғана емес, жеке тұлға ретінде де дамуыма көмектесті. Сонымен қатар, әрқайсысы менің ойыныма өзінің ерекше элементін қосты, бұл мені жан-жақты футболшы етті.

– Кәсіби футбол жолында қандай қиындықтарды жеңуге тура келді?

– Бұл тұрғыда маған отбасым қолдауын білдірді, сондықтан үлкен проблемалардан аулақ болдым. Бірақ кез келген футболшы сияқты, оқу мен жаттығуды біріктіріп, физикалық және психологиялық стрессті жеңуге тура келетін кезеңдер болды. Барлық сынақтар маған бас тартпауға және өзіме сенуге үйретті, тіпті кейде бәрі жоспардан тыс болып көрінетін.

– 5-10 жылдан кейін өзіңізді қайда көресіз? Қандай мансапқа жетуді армандайсыз?

– Бірнеше жылдан кейін не болатынын нақты айту қиын, бірақ менің мақсатым — Еуропаның үздік 5 чемпионатының бірінде өнер көрсету. Ол үшін Мен бар күш-жігерімді салып, үнемі дамуға дайынмын.

– «Тобылдағы» бәсекелестік аса жоғары. Негізгі орын үшін күресуге дайынсыз ба?

– Бәсекелестік әрқашан дамуға түрткі болады. Мен бәсекелестіктен қорықпаймын және бастапқы құрамда өз орныма лайық екенімді дәлелдеу үшін жұмыс істеймін.

– Футболдағы кумирлеріңіз бар ма?

– Маған Тони Кроостың ойыны ұнайтын, оның алаңды көре білуі мен пастарын атап өтер едім. Лука Модрич те мықты: ол допты жақсы ұстайды және ойын қарқынын басқара алады.

– Жаңа маусымда жаңа клубта қандай мақсаттар қоясыз?

– Бірінші кезекте, «Тобылдың» негізгі құрамына еніп, жаттықтырушылар штабының сеніміне ие болғым келеді. Сондай-ақ ұлттық құрамада дебют жасауды армандаймын – бұл мен үшін маңызды қадам. Қажырлы еңбек пен табысқа деген сенім маған алға қойған мақсаттарыма жетуге көмектесетініне сенімдімін.

– Жаңа командадағы бейімделу процесі қалай? «Тобыл» ойыншыларының қайсысы сізге көмектесіп жүр?

– Бейімделу процесі өте жақсы. Жігіттердің денін ұлттық құрама арқылы жақсы білемін, сондықтан олар мені бірден жылы қабылдады және клубтағы атмосфераға үйренуге көмектесті. Киім ауыстыратын бөлмедегі достық атмосфера алаңда тіл табысуға көмектеседі.

– Сізге қандай ойын стилі жақын: шабуылдаушы, қорғаныстағы немесе комбинация?

– Маған комбинациялық футбол ұнайды: команда үйлесімді әрекет еткенде, допты басқаруға және шабуылдарды сауатты құруға тырысады. Менің ойымша, бұл стиль шабуылда еркіндік береді және сонымен бірге қорғаныста сенімділікті қамтамасыз етеді.

– «Тобыл» жанкүйерлерінен қандай қолдау алғыңыз келеді және жауап ретінде қандай уәде бере аласыз?

– Сіздердің белсенді қолдауларыңыз біз үшін өте маңызды, стадионға келіп, жеңіске жететін атмосфера жасасаңыздар дер едім. Өз тарапымыздан, жоғары нәтижелерге ұмтыламыз және Қостанайға еурокубок ойындарын әкелуге бар күшімізді саламыз. Жанкүйерлерімізбен бірігіп нағыз командалық күш құра аламыз