«Тобыл» – Қазақстан премьер-лигасының екі дүркін чемпионы. Алғаш рет сары-жасылдар 2010 жылы футболдан Қазақстан чемпионы атанды. 11 жылдан кейін қостанайлық ұжым Оlimpbet-чемпионатында 61 ұпай жинап, чемпиондық атақты өзіне қайтарды.

«Тобыл» – Olimpbet -Суперкубоктің екі дүркін жеңімпазы. 2021 жылы қостанайлықтар финалда «Астананы» жеңіп, осы кубоктің иегері атанды. Бір жылдан кейін «Тобыл» екінші Суперкубокті жеңіп алды. Ел чемпиондары Қазақстан футболының жаңа маусымының алғашқы матчында алматылық «Қайратты» жеңді.

«Тобыл» – Интертото Кубогінің жеңімпазы, сонымен қатар посткеңестік елдер ішінде осы жетістікке қол жеткізген жалғыз команда болды. Қостанайлықтармен қатар Интертото-2007 Кубогінің жеңімпаздары: «Гамбург», «Атлетико», «Ольборг» және «Сампдория» футбол клубтары.

Футболдан 2007 жылғы Қазақстан Кубогінің финалында «Тобыл» шымкенттік «Ордабасы» ұжымын 3:0 есебімен жеңді. 2023 жылы тағы да «Ордабасы» клубын жеңіп, кубокты екінші мәрте иеленді.