Нұрбол Жұмасқалиев Қостанайдағы McDonald’s ашылуына қатысты

Бүгін Қостанайда бірінші рет McDonald’s тез әзірленетін тағамдар мейрамханасы бой көтерді.

Бұл жобаның авторы — «McDonald’s» Қазақстандағы франшизасының иесі Қайрат Боранбаев. Ашылу рәсімінде сөйлеген сөзінде Қостанай облысының әкімі Архимед Мұхамбетов жаңа мейрамхананың арқасында 100 жаңа жұмыс орнының ашылғандығын атап өтті. 
«Биыл «Туған жер» жобасы аясында бірнеше іргелі жобаларды қолға алдық. Облыс орталығындағы осынау мейрамхананың ашылуы тұрғындарымыз үшін қуанышты жаңалық. Өзіміздің жерлесіміз, белгілі меценат Қайрат Боранбаевқа өз атымнан алғыс білдіремін. Ол кісінің спорт саласына да қосқан үлесі мол. Арқалық жəне Қостанай қалаларында екі үлкен спорт кешенін іске қосты. Бұдан бөлек, халыққа Əнуар Боранбаев атындағы кинотеатрды да ұсынды», — деп атап өтті облыс əкімі. 
«Тобыл» футбол клубының ойыншысы Нұрбол Жұмасқалиев те өз қуанышын жасырмады.
«Бұл әлемгі белгілі брендтің қаламызға келгеніне ризамыз. Бұл сөзсіз, біздің қаламыздың беделін арттыра түседі. Себебі, мұндай нысан тек Қазақстанның үш қаласында бар», — дейді футболшы. 
Жалпы жоба құны – 780 млн теңге. Ресторан 86 адамға шақталған. Жазғы алаңына 24 орын бар. Автотұраққа бір мезетте 10 көлік тоқтай алады.



  • Об изменениях в составе
  • Жарко Томашевич – игрок «Тобола»
  • Айбар Жаксылыков – игрок «Тобола»
  • Дмитрий Непогодов – игрок «Тобола»
  • Сила в единстве!
  • Азат Нургалиев покидает «Тобол»
  • Спасибо, Егор!
  • Тагыберген – лучший полузащитник года
  • Символическая сборная OLIMPBET-Чемпионата сезона 2021 года
  • Валиуллин – лучший левый защитник года