«Тобыл U18» ойыншылары Даниил Нуржанов пен Алан Көпжасаров Freedom QJ League 10 турының үздіктер құрамына енді.
«Тобыл 2012» командасының бас бапкері Игорь Бугаев QJL All Star құрамы бас бапкерінің көмекшісі болып тағайындалды.
«Тобыл 2009» командасының қақпашысы Нұржанов Freedom QJ League үздік ойыншыларынан құралған құрамына шақырту алды. 11 шілде күні Алматы қаласындағы «Хан Тәңірі» стадионында үлкен футбол кеші өтеді. Лиганың ең дарынды жас таланттары германиялық «Боруссия Мёнхенгладбах» клубының академиясына қарсы тарихи матчта бақ сынайды.
«Тобыл 2009» Freedom QJ League 8 туры аясында өз алаңында елордалық «Астана 2009» командасын 3:1 есебімен жеңді. Олег Лотовтың шәкірттері алдымен 11 метрлік айып соққысынан гол өткізіп алды. Дегенмен Ислам Жантасовтың дублі мен Алан Көпжасаровтың голының арқасында қостанайлықтар ойын тағдырын өз пайдасына шешті. Келесі матчты команда сырт алаңда «Ақтөбе 2009» командасына қарсы өткізеді.
Freedom QJ League U15 лигасының 8 туры аясында «Тобыл-2012» командасы елордалық «Астана-2012» ұжымының қонағы болды. Кездесуде қостанайлықтар 0:2 есебімен сенімді жеңіске жетті.